Svava í Arnarfelli

Þá er ég búin að prófa að fá saltfisk í morgunmat! Þegar Lue kom í morgun, hófst hún þegar handa í eldhúsinu, mikil og góð matarlykt barst inn á kontórinn til mín; hvað er í gangi? Klukkan var bara 8.30!! Í gegnum gluggann sem er fram á ganginn sá ég hvar hún ábúðarmikil var á fullu með alls kyns mat, og kl. 9.00 var húið að leggja á borð og okkur Sigfúsi var sagt að koma; nú væri morgunmaturinn tilbúin! Við vórum reyndar bæði búin að borða morgunmat, en það var kl. 6.00 svo þetta var allt í lagi! Á borðum var þjóðarréttur Jamaica; soðinn saltfiskur og "akí" og með þessu bar hún fram soðna banana og "jam"!! Velbekomme! Þetta var mjög gott á bragðið, Lue er góður kokkuróg óhrædd að nota allskyns krydd og chili. "Aki" er þetta sem hún færði mér í gær, einhverskonar grænmeti, gult og ér eins og litlir heilar í laginu! Jammið er rosalega stór rótarávöxtur, bragðið er einhverstaðar á milli kartöfu og rófu! Með þessu drukkum við svo kaffi!! Ferlega fyndið að borða svona morgunmat!

Gestarúmmið kom í gær, svo nú er allt að verða tilbúið til að taka á móti fyrsta gestinum; henni Jónu sem kemur eftir tæpan hálfan mánuð. Það verður gaman að fá hana í heimsókn, hlakka til að sjá hana! Það er sumsé gestaherbergi á Taylor Road, meira að segja með fataherbergi og baði!! Verið velkomin!!