fimmtudagur, júní 14, 2007
Bókin er komin út! "Ný sýn á heilabilun - einstaklingurinn í öndvegi", sá dagsins ljós fyrir rúmri viku og ég ætla ekki að reyna að lýsa tilfinningunni sem fór um mig þegar ég hélt á fullnótuðu verkefninu í hendinni. Verkinu er lokið og svo er bara að sjá hvernig til hefur tekist.
Byrjunin er góð, ráðstefnan sem við héldum í tilefni útkomu bókarinnar var afskaðlega vel sótt, 130 manns komu og stemningin var góð og jákvæð.
Nýskipaður heilbrigðisráðherra Guðlaugur Þór mætti og ávarpaði málþingið og ég fékk mikið hrós frá honum og öðrum fyrirlesturum fyrir framtakið.
Mér tókst að lauma að honum nokkrum velvöldum orðuð um heilabilunarmálaflokkinn áður en hann kvaddi þingið!
Þetta var bara allt voða skemmtilegt og mikill áhugi fyrir bókinni, hellingur pantaður þarna á málþinginu!
Eftir ráðstefnuna var opið hús heima á Frakkastíg og þangað komu vinir og vandamenn og skáluðu fyrir mér, bókinni og heilabiluninni! Við erum á landinu allar stysturnar eins og er, það er nú ekki á hverjum degi sem við hittumst.
Jóna vinkona mín kom alla leið frá Kaupmannahöfn til að vera viðstödd herlegheitin og nutum við þess að vera hálfgerðir túristar saman í reykjavík í örfáa daga. Ég ætti aupvitað ekki að vera að birta þessa mynd af henni og Guðmundu; konurnar báðar meðlimir Rauðvínsstúkunnar og báðar með bjórglas! Þetta er náttúrulega ekki hægt!
Síðustu vikuna er ég svo bara búin að dúlla mér, grilla á nýja grillinu okkar, planta (gervi!) blómum í potta á svalirnar, fara í heimsóknir og labba Laugarveginn! Ekkert af þessu hef ég haft tíma til að gera síðustu mörgu skiptin sem ég hef verið í Raykjavík. Að vísu er ég líka búin að fara í tvö útvarpsviðtöl og tvö blaðaviðtöl, það gekk allt þokkalega vel og hjálpar til við að kynna bókina og þann boðskap sem hún hefur að færa.
Svo nú er bara framundan sumarfrí, Sigfús kemur á laugardaginn, sömuleiðis Guðbjörg og Katja og Ari og co. í næstu viku. Tilefni komu þeirra er afmæli Sigfúsar sem við ætlum að halda upp á í félagsskap barna okkar, tengdadætra og barnabarna. Verður frábært!
Vona líka að ég nái að sjá og hitta flest af ykkur, mínir tryggu blogglesarar. KNUS í öll hús.
sunnudagur, júní 03, 2007
Það voru svolítið þreyttir ferðalangar sem lentu á Kastrup tæpum sólarhring eftir að við lögðum upp frá Montego Bay. Fyrir utan áætlaðan biðtíma í New York, var þriggja tíma seinkunn þaðan til Kaupmannahafnar, þar af 2,5 tímar inni í vélinni! Hálfleiðinlegt, svo ekki sé meira sagt! En ferðin gekk samt ótrúlega vel, Bjarki fann ekki til í eyranu og báðir strákarnir sváfu vært lungann úr túrnum. Hann Ari minn var ekki mjög hress þegar kom í ljós að eina töskuna vantaði þegar heim kom og ekkert hefur enn til hennar spurst. Ergilegt, við biðum auka klukkutíma á meðan verið var að leita, en án árangurs. Lofotenfjölskyldan hélt svo áfram í dag og eru í þessum skrifuðu orðum komin heim til Stamsund. Ég sit á kæjanum, hálfrykuð af jetlack, en náði nú samt að skreppa í Nyhavn með Jónu í dag í bíðskaparveðri. Ekkert smá gott að hjóla aftur! Svo legg ég enn og aftur í´ann á morgun, verð komin til Íslands um hálfníu leytið annað kvöld. Púhe - þvílíkur þvælingu á manni!
En það verður sko gaman að koma, bókin er komin í hús og eftir því sem ritstjórinn minn segir lítur hún bara vel út! Eftir ca. einn og hálfan sólarhring held ég á henni milli handanna - tilbúin bók. Er ekki enn búin að fatta þetta, verð að sjá hana áður en ég trúi að bókin er orðin veruleiki ;-)
Á fimmtudaginn verður svo málþing í tilefni útgáfunnar, verður spennandi að sjá og heyra. Þangað til næst; hafið það gott elskurnar, KNUS í öll hús.
föstudagur, júní 01, 2007
Góðan daginn! Klukkan er hálf sex og allir vaknaðir og komnir á ról. Erum að leggja í´ann eftir skamma stund, ég og Lofotfjölskyldan. Fyrst til New York og svo áfram til Kaupmannahafnar. Smákvíði í okkur því elkan hann Bjarki er kominn með eyrnabólgu! Byrjaði seinnipartinn í gær; allavega fór hann að kvarta þá. En hann er svoddan hörkutól hann Bjarki, að þetta gæti vreið búið að plága hann eitthvað síðustu dagana. hefur verið svolítið pirraður! Við Katherine fórum með hann til læknis og honum leist nú ekki vel á að við værum að fara með hann í þriggja+níu tíma flug! Fengum lyf handa honum og ætlum að sjá til hvernig gengur til N.Y. Í versta falli verða þau að stoppa þar í einn sólarhring.
En ég held undir öllum kringumstæðum áfram, bíður mín tilbúin bók á Íslandi! Já, hún kemur úr prentun í dag!
Sjáumst, KNUS í öll hús.
En ég held undir öllum kringumstæðum áfram, bíður mín tilbúin bók á Íslandi! Já, hún kemur úr prentun í dag!
Sjáumst, KNUS í öll hús.
