Svava í Arnarfelli

Í gær bauð ég Jónu í forkost í klúbbhúsið á flotta golfvellinum hjá Rose Hall. Hún varð bara að fá að sjá þetta fallega umhverfi og útsýni. Ein af þessum gullfallegu jamaicastúlkum þjónaði okkur og spurði hvaðan við værum. Þegr hún heyrði að við vorum Íslandingar ljómaði hún upp, hún hafði séð eitthvað um Ísland í sjónvarpinu. Er att að þig getið látið börnin ykkar liggja í vagni úti, líka þegar þið farið inn í búð? spurði hún og var greinilega afar vantrúuð. Henni fannst þetta svo stórkostlegt, þetta mundi maður aldrei geta gert hérna sagði hún, einhver mundi vera búin að taka barnið áður en maður veit af, sagði hún. Hugsið ykkur bara, en þetta skýrir að maður sér aldrei barnavagn hérna. Ég var búin að velta þessu fyrir mér, konurnar halda á börnunum þangað til þau geta gengið sjálf. Og halda þeim þétt að sér.

Ég er búin að sjá að Lue er sápufíkill! Það eru farnir fleiri lítrar af gólfsápu þessar vikur, ég verð að fara að skammta sápun! Það kemur svo góð lygt segir hún og hellir hálfum brúsa á gólfið, sem er komið með þykka sápuhúð!
Lue snertir ekkert hjá mér, er alveg OK að fara út og skilja hana eftir með hús og allt sem í því er. En gólfsápuna verð ég að fara að læsa inni!!! Í ag verður farið í leiðangur til að finna klippikonu handa Jónu og flugnanet handa mér! Hafið góðan dag, KNUS