Svava í Arnarfelli

Mér finnst nú taka alltof langan tíma að verða sýnileg á þessu bloggi! Tekur þetta virkilega fleiri daga að komast inn? Guðbjörg, er ég að gera einhverja vitleysu?!!
En ég hef allavega skrifað, hvernig sem það svo kemst fyrir augu annara!!
Eftir rúmlega viku búsetu í Mo Bay er ég farin að komast svolítið meira inn í aðstæður, líf og venjur. Verð ekki alltaf svona rosalega hissa í hvert skipti ém ég sé eitthvað eða heyri!
Er líka búin að koma smá lagi á umhverfi okkar Sigfúsar hérna á Taylor Road 1080. Húsgögnin koma - og fara aftur, hitt og þetta er komið í krúsir og kirnur í eldhúsi og víðar, blómin farin að taka við sér og svo er hún Lue byrjuð hjá mér! Nú skal ég segja ykkur frá henni. Lue er húshjálpin mín, lítil og grönn Jamaicakona með glimt í augum og fallegar fléttur í kolsvörtu hárinu. Lue ætlar að hjálpa mér- við allt það sem ég þarf hjálp við. Þar sem ég hef aldrei prófað svona lúksus áður, geri ég mér ekki alveg grein fyrir ennþá hvað þetta allt er og verður! En allavega verður byrjað á að þrífa allt vel og rækilega, skrúbba, skafa, skúra og pússa. Lue fær nóg að gera því hér er ekki hreint og þrifalegt, allavega ekki eftir mínum normum!
Reyndar verðum við að taka því rólega í byrjun, því hundur beit hana Lue í hægri hendina í gær. Mér líst nú ekkert alltof vel á hendina á henni, hún er stokkbólgin greyið. Hún færði mér eitthvað þegar hún kom í morgun, þetta er eitthvað matarkyns, skil ekki alveg hvað það er, en hún segir að þetta sé voða gott með sverðfiskin (eins og ég eigi það bara svona í ísskápnum!!) en líka gott með banönum segir hún! Verður spennandi að smakka.
Við þurfum nú að læra hver á aðra við Lue, en þetta lítur vel út ennþá! Þegar ég sýndi henni ryksuguna horfði hún hissa á hana og spurði hvað þetta væri! Hún hafði aldrei séð ryksugu áður, og hún hefur unnið við hreingerningar í 15 ár! Hún hefur enn ekki snert ryksuguna, notar bara sópinn.

Í gær fórum við Sigfús ásamt fleirum frá Pihl í dagsferð til Appelton, sem er þekktasta romverskmiðjan hérna á Jamaica. Löng leið eftir órtúlega vondum vegum, en afskaplega falleg náttúra. það er svo gróðursælt hérna allstaðar. Skemmtileg upplifun að sjá hvernig rom er búið til úr sykurreirnum sem vex út um allt. Í gamla daga voru asnar látnir snúa pressunni sem pressar safann úr sykurreirnum, og enn áður voru það manneskjur sem snéru pressunni. Ég prófaði að snúa pressunni og þaðvar heilmikið átak. Núna eru þetta vélar sem sjá um alla framleiðsluna. Jamaicabúar eru afar stoltir af þessari verksmiðju, sagt er að þetta sé heimsins besta rom, og ég held svei mér að það sé satt! allavega var allt gott sem við smökkuðum! Allir komu út með birgðir af rommi, líka við Sigfús! maður verður náttúrulega að koma sér upp rombar hérna heima!

Um e-mail sendingar og móttökur:
Þegar ég sendi e-mail héðan, sendi ég frá server sem heitir: sigfus.thoraresen@cwjamaica.com
Þetta er bara til að senda út, ég get ekki móttekið á þennan server. Þannig að: það þýðir ekkert að "repleyja" á mig, það verður alltaf að senda beint á svava@nordic-lights.dk þannig að ég geti móttekið póst til mín. Sorry, en svona er þetta allavega ennþá, kannske finnég eitthvað út úr öðru seinna.