Svava í Arnarfelli

Nú held ég að ég sé búin að finna út úr þessu með bloggið! Ég verð greinilega að "opdatere" þegar ég er búin að skrifa! Nå, ég læri þetta sjálfsagt!
Það er svo margt að gerast að ég má til með að segja ykkur frá!! Guðmunda; ég á langt í land með að geta bara setið og hlustað á þú veist!! Lue er á fullu og mér tókst að fá hana til að nota ryksuguna! Stór áfangi! Gólfin glansa orðið, leyndarmálið það er að blanda ediki í sápuvatnið!

Palla pöddubani er farin að gera sig full heimakomna, er nú sest að inn í stofu, mér finnst þetta nú einum of, það er búið að gera svo fínt í blómabeðinu í forstofunni að mér finnst hún geti vel við unað þar. En henni líst vel á rauða sófann sem enn stendur hérna, nú hangir hún utan á honum. En ég vil ekki stugga við henni, hún étur nefnilega allar flugur sem hún kemst í tæri við.

Það verður að finna jafnvægið í þessu öllu, þegar Lue sá að ég reykti bað hún um sígarettu sem hún auðvitað fékk. Það má engin vita að hún reykir, maðurinn hennar verður vitlaus sagði hún, ef hann kemst að því. Nå, en eftir smástund bað hún um aðra sígarettu, og nú verð ég að finna jafnvægið í þessu. Svo ég ákvað að gefa henni pakka svo hún þurfi ekki alltaf að biðja um sígarettu, en kannske reykir hún þá bara stanslaust? Veit það ekki enn, kemur bara í ljós!´

Tómu flöskurnar úti á þvottaveranda vöktu líka athygli hennar; hvort ég ætlaði að henda þeim? Nei, það ætla ég ekki, en Barry hefur hingað til fengið allar tómu flöskurnar! Jafnvægi aftur! En Lue er að safna fyrir veislu sem hún ætlar að halda 29. desember!!! Þá á hún 6 ára brúðkaupsafmæli og ætlar að gera eitthvað úr því. Barry er ekki giftur, ekkert brúðkaupsafmæli þar á döfinni, ERGO; Lue þarf meira á flöskunum að halda!