Svava í Arnarfelli

Ég brá mér niður á Dr. Cave Beach í dag, þurfti að endurnýja meðlimsskýrteinið okkar þar. Ströndin er alveg niður í bæ, fyrsta baðströndin í Mobay. Það var breskur læknir, Dr. Alexander McCatty sem átti þetta svæði og breytti því í baðklúbb árið 1906. Áður mun hafa verið þarna lítill hellir sem átti sinn þátt í nafngiftinni (cave). Um 1920 var fullyrt að vatnið hefði lækingarmátt, fólk mun hafa læknast af ýmiskonar sjúkdómum við það eitt að baða sig þarna. Hvort sem það nú er satt, er allavega afskaplega notalegt þarna á þessari litlu strönd, hreint, fallegt og vatnið yndislegt. Uppgötvaði að ég hef alls ekki notfært mér þetta nógu mikið, því mér finnst í raun og veru voða gott að fara í sjóinn!