Svava í Arnarfelli

Í dag er dekurdagur, það verður líka að vera tími til að melta upplifanir gærdagsins. Þær stöllur orðnar heimavanar og farnar að sjá um pressun morgunsafans upp á eigin spýtur!

Það var náttúrulega ekki sjón að sjá á þeim tásurnar, svo á meðan ég gerði enn eina tilraun til að láta innfædda klippikonu gera eitthvað fyrir lubbann á mér drifu þær sig í tásusnyrtingu... eða "létu taka á sér lappirnar" eins og það heitir á Dalvísku...

Haldið það sé munur!!!

Það var nú samt tími og orka til að koma við hjá henni Bobby og máta húfur! Bobby bauð upp á rommkokteil og endaði með að lumma þrem litlum flöskum af þessum eðaldrykk æí pokann hjá Freyju. Fallegt af Bobby, hún reiknar líklega með að ég fái fleiri gesti sem koma og versla hjá henni!

Og svo var bara morrað á uppáhaldsstaðnum þeirra; sunnanundir vegg og glösin ekki langt undan!

Á morgun ætlum við stelpurnarað keyra til Negril sem er á suð/vestur horni Jamaica. Þar ætlum við að gista eina nótt á strandhóteli - mínum uppáhaldsstað - Country Country. Við hlökkum mikið til!

KNUS til ykkar allra frá okkur öllum.