mánudagur, maí 14, 2007
Ekki náðum við nú að fylgjast með Júróvisjón á laugardaginn, Ísraelska stöðin sem ég setti allt mitt traust á sendi gamla kúrekamynd út í stað söngvakeppni. þeim hefur örugglega ekki fundist ástæða til að sýna þetta, þeir voru ekkert með, var það nokkuð? Varð smáspæld, búin að poppa og allt!
En aftur á móti náðum við kosningaútvarpinu og það var fjör! Voða gaman að fylgjast með þessu öllu, þetta var/er ekkert smá spennandi! Sáum meira að segja smá af útsendingu sjónvarpsins, þegar allir formennirnir voru þar saman komnir, syngjandi, kveðandi og svona líka glaðir og góðir við hvern annan! Og stjórnin lafir er mér sagt og litlir hattar eru mikið í tísku ef marka má myndir af Margaretu og Mary stórhattaeigendum í Danmörku! En er þá nokkur ástæða til að vera fýldur? Þetta er að vísu ansi tæpt, en þeir eru nú með svo marga góða og heiðarlega náunga þarna með sér, svo þetta ætti allt að fara vel fram?
En ég er allavega spennt að vita hver verður heilbrigðisráðrerra!
Hér rignir og rignir; mér er nú alveg hætt að lítast á, allir krakkarnir að koma eftir nokkra daga og eiga auðvitða von á eilífu sumri og sól. Það er svosum nógu heitt, fer ekki undir 25 stigin þótt rigni eldi og brennisteini, en er rosalega rakt.sól.
Á sunnudaginn var þetta fína veður, algjör stilla ogVið skruppum niður í klúbbinn, það er svo indælt að sitja bara þarna og horfa á bátana koma og fara.
En svo kemur stundum eitthvað óvænt, eins og þessi sundmaður sem kom á slíka flugsundinu
einhverstaðar utan af hafi! Náði nú ekki að spyrja um ferðir hans, en skyldi hann hafa verið að koma frá Kúbu?Stefnan væri allavega rétt! Kannski var þetta bara Fidel him self!
Comments:
Hæ, alveg sér maður á myndunum að það er ekki sól. Kosningarnar fóru bara þokkalega. Það er svo bara að bíða og sjá hvort Geir haldi sig við Framsókn eða taki inn annan flokk, ekki veit ég. Hér er allt á fullu í prófalestri, Auður er að klára á morgunn, fer í 2 próf. Ég vona að það verði stitt upp áður en Ari og co., koma. Knus, Hafdís.
# posted by 
: mánudagur, maí 14, 2007
: mánudagur, maí 14, 2007
Mér finnst nú Hafdís fremur hógvær með kosningaúrslitin. Sjálfstæðismenn unnu stórsigur, eru í raun sigurvegarar þessara kosninga,bættu við sig þremur mönnum eftir 16 ára stjórnarsetu. Það gerðu ekki aðrir betur.Annars heyrist mér að allir séu sigurvegarar nema frammarar þeir viðurkenna ósigur.Svo er auðvitað spennandi að vita hvernig stjórn við fáum, ég vona að Kristján Júl fái ráðherrastól.Ég er alveg viss um að það verður sól í sinni og sól úti og inni þegar krakkarnir koma. Love Svansa
# posted by : þriðjudagur, maí 15, 2007
: þriðjudagur, maí 15, 2007
nei, ísraelar voru ekki með á laugardaginn, þeir komust ekki upp úr forkeppninni.. annars hefur þessi sundmaður örugglega verið hafrún lilja, hef heyrt það á göngum hússins að hún ætli sér að byrja að æfa sund og nú þegar ég hugsa út í það þá hef ég ekki rekist á hana síðan á laugardaginn held ég :/ þannig að þú mátt örugglega eiga á því von að hún banki upp á hjá þér seinnipartinn í kaffi og kökur ;)
Skrifa ummæli
# posted by : þriðjudagur, maí 15, 2007
: þriðjudagur, maí 15, 2007