Svava í Arnarfelli

Það er ósköp grátt og þungt yfir síðasta daginn okkar á Kajanum að þessu sinni. En alltaf er nú samt fallegt að horfa út um gluggann!

Við leggjum af stað til MoBay snemma í fyrramálið, verðum komin "heim" upp úr hádegi að jamaikönskum tíma.

Þessar 5 vikur hafa verið fljótar að líða, enda verið "drøn på" allan tímann. En við erum búin að ná rosalega miklu, eins og fyrri daginn!

Við fórum og heimsóttum vini okkar í Svíþjóð..

fórum í grill til Jónu...

(í verstu regnskúrunum var Jóna komin með grillið hálfa leið inn í stofu!!)

og svo var það náttúrulega Jazzfestivalen. Það er orðið langt síðan ég var í Kaupmannahöfn á jazzfestivaltíma. Við Silja frænka mín sigldum um kanala Kaupmannahafnar undir dynjandi jassmúsík. Og aldrei þessu vant var sól! Eins og sést á myndunum hefur verið ansi djúpt á sumri og sól í Danmörku og Svíþjóð, reyndar fengum við besta sumarveðrið á Íslandi! En við erum svosum ekki að kvarta, fáum nóg af sól þegar við komum til Jamaica.

Palli frændi minn og fjölskylda koma svo í heimsókn til okkar til Montego Bay eftir nokkra daga, það verður gaman að fá að vera með þeim og tilhlökkunin er mikil hjá okkur öllum. Sérstaklega hlakkar hann nafni minn til að fá að klifra í fossunum! Þið fáið að heyra meira fráþví seinna.

En þangað til; hafið það gott og passið vel upp á hvert annað. KNUS í öll hús.